Փոխարժեքներ
03 04 2025
|
||
---|---|---|
USD | ⚊ | $ 391.16 |
EUR | ⚊ | € 422.18 |
RUB | ⚊ | ₽ 4.6495 |
GBP | ⚊ | £ 505.97 |
GEL | ⚊ | ₾ 141.47 |
Երեւանի քաղաքապետ Տարոն Մարգարյանի երդման արարողությանը ներկա էր նաեւ տրանսպորտի եւ կապի նախարար, Երեւանի նախկին քաղաքապետ Գագիկ Բեգլարյանը: Լրագրողները նրանից հետաքրքրվեցին, թե արդյո՞ք գնացել է Մոնսերատ Կաբալիեի համերգին` հաշվի առնելով նախորդ դեպքը` կապված Պլասիդո Դոմինգոյի համերգի հետ: Բեգլարյանն էլ հորդորեց սադրանքների հետեւից չընկնել, նորմալ շփվել եւ լուրջ ու կարեւոր հարցեր տալ:
Լրագրողները խնդրեցին գնահատական տալ Սյունիքի դեպքերին: Նախարարը նախ հայտարարեց, որ դատավոր չէ, որ իմանա` ովքեր են մեղավոր, ովքեր` ոչ: Սյունիքի մարզպետի հետ Բեգլարյանը չի հանդիպել «Ինչի՞ համար, ես նոր եմ վերադարձել»,- ասաց նա եւ հորդորեց հետեւել զարգացումներին, տեղի ունեցածն էլ որակեց «տհաճ երեւույթ»:
Անդրադառնալով Սուրեն Խաչատրյանի հրաժարականին` ասաց. «Յուրաքանչյուր մարդու ճակատագիր իր ձեռքում է. ոնց որոշում են իրենք, իրենք գիտեն, թող իրենք ստեղծեն, ղեկավարեն իրենց ճակատագիրը»: