Նամանավանդ ինձ սրտնեղելը չի սազում. Գագիկ Բեգլարյան

Այսօր ԱԺ-ում կառավարությանն ուղղված հարցուպատասխանից առաջ տրանսպորտի եւ կապի նախարար Գագիկ Բեգլարյանից փորձեցինք պարզել, թե ինքը կլինի՞ կառավարության նոր կազմում: Բեգլարյանը նախ նշեց, որ դա որոշում է կուսակցությունը: Երբ հետաքրքրվեցինք, թե շա՞տ կսրտնեղի, եթե չլինի նոր կառավարությունում, նա հայտարարեց, որ ինչպես առաջին, այնպես էլ այս հարցին արդեն պատասխանել է. «Սրտնեղելը քաղաքական կատեգորիա չէ, իսկ նամանավանդ ինձ չի սազում»:

Հարցին` գո՞հ է իր աշխատանքից, նախարարը պատասխանեց, որ իր աշխատանքի ընթացքում ցանկացել է ստանալ ժողովրդի գնահատականը, ինքն իրեն գնահատական չի տալիս: «Յուրաքանչյուր մարդ, եթե իր աշխատանքից գոհ չլինի եւ աշխատի, այդ մարդն ամենաքիչը հոգեկան հիվանդ պետք է լինի: Իսկ գնահատական տալիս է ժողովուրդը»,- ասաց Բեգլարյանը: