Սահակաշվիլիի սուտն արդեն չի անցնում. Բիձինա Իվանիշվիլի

Վրաստանի վարչապետ Բիձինա Իվանիշվիլին համոզված է, որ աշխարհի վերաբերմունքը երկրի նոր իշխանությունների նկատմամբ դրականորեն փոխվել է. տեղեկացնում է apsny.ge-ն:

«Մենք հաջողեցինք Եվրոպայում եւ աշխարհում մեր հանդիպումների շնորհիվ հասնել այն բանին, որ այլեւս պետք չունենք արդարանալու եւ բացատրելու, թե ով ենք մենք եւ ինչ ենք մեզանից ներկայացնում»,- այսօր լրագրողների հետ հանդիպման ժամանակ ասել է նա:

Իվանիշվիլին ընդգծել է, որ «այն սուտը», որ նախագահ Միխեիլ Սահակաշվիլին տարածում էր, «արդեն չի անցնում»:

«Ես շնորհակալ եմ հասարակությանը, որը սովորել է տարբերել ճշմարտությունը ստից եւ չի ենթարկվում նախագահի սադրանքներին, որը փորձում է իր հաճախակի այցերով ԲՈՒՀ-եր միջադեպ հրահրել: Սակայն մենք արդեն հասուն հասարակություն ենք եւ չենք ենթարկվում նման սադրանքների»,- ասել է նա: