Սահակաշվիլի-Իվանիշվիլի ''փոխհրաձգություն''

Ոչ մի նորմալ երկրում կառավարական առանձնատներ չեն կառուցում, երբ կան անօթեւաններ, ու երեխաները սառչում են փողոցներում. լրագրողների հետ Գորիում հանդիպման ժամանակ հայտարարել է Վրաստանի վարչապետ Բիձինա Իվանիշվիլին` մեկնաբանելով նախագահ Սահակաշվիլիի հայտարարությունը, թե կառավարությունը «ավերիչների բրիգադ» է:

Վարչապետը միաժամանակ պատրաստակամություն է հայտնել ընդունել քննադատությունը նոր կառավարության գործունեության վերաբերյալ: «Սահակաշվիլին թող պատասխանի` ինչո՞ւ 7 կեցավայր ունի եւ ո՞ւմ է ընդօրինակում առանձնատներ կառուցելիս: Թող մեր վերաբերյալ օրինակներ բերի, եւ ես ուրախությամբ կընդունեմ քննադատությունը, եթե մենք ինչ-որ բանում սխալվել ենք: Ոչ ոք անսխալական չէ»,- ասել է նա:

Իվանիշվիլին հավելել է, որ վրաց ժողովուրդը պահպանել է սեւը սպիտակից տարբերելու ունակությունը. տեղեկացնում է  Новости-Грузия-ն: