Բիձինա Իվանիշվիլին Ուրուգվայում կանեփի մշակության մեջ ներդրումներ է արել

«Վրացական երազանք» կուսակցության առաջնորդ, միլիարդատեր Բիձինա Իվանիշվիլին Ուրուգվայում գտնվող կանեփի խոշոր պլանտացիայում ներդրումներ է կատարել. հայտնում է «Պիրվելի» հեռուստաալիքը՝ նշելով, որ կասկած կա, թե Վրաստանի ամենահարուստ մարդը դա արել է  բժշկական նպատակներով:

Նշվում է նաև, որ Իվանիշվիլին կարող է կապված լինել PHARMIN ընկերության հետ. այն բժշկական, դեղագործական, վերականգնողական և սննդի արդյունաբերության համար կանեփի խոշորագույն մատակարարն է: Մոնտեվիդեոյի ազատ առևտրի գոտում ընկերությունը 2.5 հա ջերմոցներում կանեփ է աճեցնում և մի քանի վերամշակման գործարաններ ունի: Այդտեղ հնարավոր է տարեկան 40 տոննա չոր մարիխուանա պատրաստել:

Հիշեցնենք՝ դեռևս 2018թ.-ին Վրաստանի իշխող կուսակցության ղեկավարը մեծապես ոգևորված էր մարիխուանայի մշակության գաղափարով: Իվանիշվիլին այն կարծիքին էր, որ դա երկրին հսկայական փողեր կբերի՝ տարեկան 1-2 դոլար միայն հումքի արտահանումից: