Հռոմի պապը ոգեկոչել է քրիստոնյա նահատակների հիշատակը

Հռոմի պապ Ֆրանցիսկոսը հիշատակել է բոլոր այն սրբերին, ովքեր նահատակվել են մահմեդականություն չընդունելու համար:

1480 թվականին 800 քրիստոնյա սպանվել է Օսմանյան Թուրքիայում` Օտրանտոյի գրավման ժամանակ: Թուրքերը սպանել են արքեպիսկոպոսին եւ հրամայել ժողովրդին կրոնափոխ լինել: Երբ մարդիկ հրաժարվել են, թուրքերը սպանել են 15 տարեկանից մեծ տղաներին` հիմնականում գլխատելով:

«Հիշելով Օտրանտոյի նահատակներին` մենք Աստծուն խնդրում ենք, որպեսզի պահպանի բոլոր քրիստոնյաներին, ովքեր ապրում են աշխարհի տարբեր ծայրերում եւ դեռեւս տառապում են բռնությունից: Թող Աստված նրանց ուժ տա` հավատարիմ մնալ սեփական հավատքին եւ չարին պատասխանել բարությամբ»,- ասել է Հռոմի պապը:

Նա որեւէ երկրի անուն չի նշել, սակայն Վատիկանը մշտապես մտահոգություն է հայտնել Միջին Արեւելքում քրիստոնյաների եւ ղպտիների հանդեպ բռնությունների կապակցությամբ. տեղեկացնում է Yahoo news-ը: