Լևոն Ջուլֆալակյանը գոհ է երիտասարդ ըմբիշներից (լուսանկարներ)

Արդեն տեղեկացրել էինք, որ  Հայաստանի խուլերի միավորման մշակույթի և սպորտի պալատում ավարտվել է հունահռոմեական ըմբշամարտի Հայաստանի երիտասարդական  առաջնությունը, որը մեկնարկել էր ապրիլի 29-ին: Հունահռոմեական ըմբշամարտի Հայաստանի հավաքականի գլխավոր մարզիչ Լեւոն  Ջուլֆալակյանը  yerkir.am-ի հետ զրույցում ընդգծեց, որ երիտասարդ ըմբիշներից շատերը մեծ հույսեր են ներշնչում:

 «Մրցութային այս երկու օրերի արդյունքներից գոհ եմ: Որոշ քաշային կարգերում լավ ըմբիշներ եմ տեսնում, ովքեր ժամանակի ընթացքում միանշանակ կհամալրեն Հայաստանի ըմբշամարտի մեծահասակների հավաքականը: Նրանք մեծ հույսեր են ներշնչում: Վստահ կարող եմ ասել՝ արժանի փոխարինողներ ունենք: Շատ ուրախալի և գովելի է այն փաստը, որ բարձր մակարդակի աշխատանքներ են  տարվում  հանրապետության տարբեր մարզերում»,- ասել է Լեւոն Ջուլֆալակյանը:

Լուսանկարները կարող եք դիտել այստեղ: