Զովացուցիչ ըմպելիքները` մահվան պատճառ

Հետազոտությունները ցույց են տալիս, որ ամեն տարի 180 հազար մարդ է մահանում աշխարհում զովացուցիչ ըմպելիքների պատճառով: Անցած տարվա ընթացքում ավելի քան 25 հազար մարդ է մահացել ԱՄՆ-ում:

Նյու Օռլեանում տեղի ունենող ամենամյա գիտաժողովի ժամանակ Հարվարդի համալսարանի գիտնականները ներկայացրել են իրենց հետազոտության արդյունքները: Ըստ այդմ` զովացուցիչ ընմելիքների չարաշահումից 133 հազար մարդ մահացել է շաքարախտից, 44 հազար մարդ` սրտանոթային հիվանդություններից, իսկ 6 հազար մարդ` քաղցկեղից: Նրանք  այդ հանգամանքը բացատրում են այն բանով, որ զովացուցիչ ըմպելիքներում կա արհեստական շաքար, որը գիրացնող հատկություն ունի. տեղեկացնում է ABC-ն: