FILA-ն խնդրում է չվերադարձնել օլիմպիական մեդալները

FILA-ն (Ըմբշամարտի միջազգային ֆեդերացիա) կոչ է անում չվերադարձնել օլիմպիական ոսկե մեդալները:

«Մենք գնահատում ենք ձեր համառությունը և հասկանում ենք ձեր հուսահատության չափը, բայց ոսկե մեդալները վերադարձնելը հակաարդյունավետ մեթոդ է: Կոչ ենք անում ձեզ` պահպանել մեդալները, քանի որ դուք դրանք վաստակել եք մեծ դժվարությամբ», - հայտարարված է FILA-ի պաշտոնական կայքում:

Հիշեցնենք, որ ՄՕԿ-ի կենտկոմի որոշումը բողոքարկելու համար Սիդնեյի օլիմպիական խաղերի չեմպիոն, դաղստանցի ազատ ոճային ըմբշամարտիկ Սահիդ Մուրթազալիևը վերադարձրել էր օլիմպիական իր ոսկե մեդալը: Այդպես էր վարվել նաև լեգենդար բուլղարացի ըմբշամարտիկ Վալենտին Յորդանովը: