Եթե անգամ առաջարկեն` Ցոլակյանը ՀՀԿ-ական չի դառնա

Արդեն տեղակացրել ենք, որ ԱԱԾ պետի տեղակալ Ֆելիքս Ցոլակյանը նշանակվել է Շիրակի մարզպետ: Կառավարության նիստի ավարտից հետո նա պատասխանեց լրագրողների հարցերին: Ուշագրավ մի փաստ. պարզվում է` նորանակ մարզպետը չի պատրաստվում դառնալ ՀՀԿ-ական:

Երբ կուսակցական դառնալու մասին հարց հնչեց լրագրողի կողմից, նորանշանակ մարզպետը կտրուկ հայտարարեց, որ չի պատրատվում դառնալ կուսակցական, եթե անգամ առաջարկեն:

Հարցին էլ, թե նույն` ձայներ ապահովելու առաքելությա՞մբ է գնում Շիրակի մարզ, Ցոլակյանը պատասխանեց` աշխատելու առաքելությամբ:

Իսկ հարցին, թե ինչպես է վերաբերվում Գիզիրյանի հրաժարականին, այն երեւույթին, որ մարդը հրաժարական է տալիս միայն այն բանի պատճառով, որ չի կարողացել ձայներ ապահովել սեփական կուսակցության համար, նորանշանակ մարզպետը հայտարարեց, որ համաձայն է բոլոր այն հրապարակումների հետ, որոնք եղել են այս ընթացքում: