Թուրքիայի նեոօսմանական երազները

Ոչ ոքի հետ չպատերազմելով, առանց թշնամության եւ անհարգալից վերաբերմունքի դրսեւորման` մենք կրկին կմիավորենք Սարաեւոն Դամասկոսի հետ, Բենղազին` Էրզրումի եւ Բաթումի. ըստ Anadolu գործակալության` հայտարարել է Թուրքիայի արտգործնախարար Ահմեդ Դավութօղլուն: 

«Այսօր որպես առանձին երկրներ գոյություն ունեցող Եմենը եւ Սկոպիեն (Մակեդոնիայի մայրաքաղաքը-խմբ.) 110 տարի առաջ մեկ պետության մասեր էին, այդ թվում` Էրզրումը եւ Բեղազին: Երբ մենք այսպես ենք ասում, մեզ կոչում են «օսմանների նոր ժառանգորդներ»: Միավորվող Եվրոպան չեն անվանում «Հռոմի նոր ժառանգորդներ», իսկ Մերձավոր Արեւելքը աշխարհագրորեն միավորել ցանկացողներին` այդպես են անվանում: Դա մեզ համար պատիվ է: Մենք երբեք աչք չենք տնկել ուրիշի հողի վրա եւ չենք էլ տնկելու»,- հայտարարել է Դավութօղլուն: