Ճապոնացի գեղասահորդները 2014-ի Օլիմպիական խաղերին կնախապատրաստվեն Հայաստանում

Հայաստան են ժամանել  Ճապոնիայի գեղասահքի ֆեդերացիայի նախագահ Հեդեիտո Իտոն  և այդ կազմակերպության մենեջեր  Տացուրո Մացումուրան: Նրանց այստեղ էր ուղեկցել  նախկին մարզիչ` Արարատ Զաքարյանը, ով  այժմ բնակվում և աշխատում է Մոսկվայում:

Հյուրերը եղել են Ծիծեռնակաբերդում, ծաղկեպսակ դրել եղեռնի զոհերի հուշահամալիրում, ապա այցելել են  Կարեն Դեմիրճյանի անվան մարզահամերգային համալիր,  մանրամասն ուսումնասիրել են սահադաշտը:

Նրանց  զարմացրել է սահադաշտի լավ որակը:

Առաջիկայում Ճապոնիան  մարզաձևի մեծ   պատվիրակություն կուղարկի Հայաստան: Գեղասահորդներից բացի  կգան  մարզական գիտաբժշկական խմբեր  և  լրագրողներ:

Նրանց կարծիքով Հայաստանի կլիմայական պայմանները շատ հարմար են  Սոչիի ձմեռային  օլիմպիական խաղերին նախապատրաստվելու համար: Կարևորում են և այն , որ ընդամենը 1- 1, 5  ժամում  Երևանից կարող են հասնել ձմեռային խաղերի մայրաքաղաք: