Հարավային Կորեան պատրաստվում է ձմեռային օլիմպիական խաղերին

Հարավային Կորեայի  Փհենչհան քաղաքը  2011 թվականին  նվաճել է  2018 թ. փետրվարի 9-25-ը կայանալիք ձմեռային օլիմպիական խաղերի մայրաքաղաքի իրավունքը:

Նախապատրաստական ծրագրի մաս է կազմել  այս տարի Սոչիում անցկացված ձմեռային օլիմպիական խաղերում  250 հոգուց բաղկացած դիտորդական խումբ գործուղելը:

Կորեական ստուգատեսի կազմկոմիտեի նախագահ Ջին Սուն  Կիմը  իր հիացմունքն է հայտնել ռուսական մարզահանդեսի կազմակերպվածության կապակցությամբ: Կիմը նաև ասել է, որ նպատակ ունեն չզիջել ռուսներին և Փհենչհանում  կօգտագործեն որակի նոր չափանիշներ, տեխնոլոգիաներ  և այլն: Ավելին` նպատակ կա Փհենչհանի  ընդհանուր  մարզահամալիրը դարձնել խաղերի պատմության մեջ  ամենակոմպակտը` կենտրոնական հրապարակից  բոլոր մրցավայրերը  հնարավոր կլինի  հասնել առնվազն 30 րոպեում: Բացի այդ` կամավորականները և, ընդհանրապես, կազմկոմիտեի բոլոր աշխատակիցներն ու տեղացիները պետք է հավատարիմ մնան օլիմպիական սկզբունքներին և օրենքներին, ինչպես եղավ Սոչիում:

Աղբյուր` armnoc.am