Ադրբեջանում Այլիսլիին սպանելու կոչեր են հնչում

Ադրբեջանում շարունակվում են գրող Աքրամ Այլիսլիի հալածանքները` «Քարե երազներ» գրքում հայերի կոտորածները նկարագրելու համար:

Հանգստյան օրերին գրողի հայրենի գյուղում հանրահավաք է անցկացվել, որի ընթացքում նրան սպանելու կոչեր են հնչել. տեղեկացնում է Haqqin.az-ը: «Մահ` Աքրամ Այլիսլիին», «Դավաճան», «Աքրամ` հայ»` վանկարկել են նրա համագյուղացիները: Վերջում նրանք այրել են Այլիսլիի գրքերը: Ընդ որում` պարզվել է, որ ցուցարարներից շատերն անգամ չեն կարդացել վեպը:

Ի դեպ, Contact.az-ը համարում է, որ, հայկական թեման մեջտեղ բերելով, իշխանությունները ցանկանում են հասարակության ուշադրությունը շեղել ներքաղաքական  լարված վիճակից, եւ մինչ ընտրությունները այդ թեման դեռեւս շատ կօգտագործվի: