Սերժ Սարգսյանի քարոզարշավի հետաձգման պատճառը հիվանդությունն է. ''Ժողովուրդ''

«Ժողովուրդ»-ի լավատեղյակ աղբյուրները փոխանցում են, որ ՀՀԿ առաջնորդ Սերժ Սարգսյանի նախընտրական քարոզարշավի հետաձգումը իրականում երկու պատճառ ունի: Նա ոչ միայն ՀՀ նախագահի թեկնածու Պարույր Հայրիկյանի հետ կատարվածի պատճառով է դադարեցրել քարոզարշավը, այլեւ հիվանդության:

Բանն այն է, գրում է թերթը, որ այս ցուրտ օրերին Ս. Սարգսյանը մարզերում անցկացրած քարոզարշավի ընթացքում մրսել է ու «կորցրել» ձայնը: Թերթը փորձել է տեղեկությունը ճշտել ԱԺ ՀՀԿ խմբակցության ղեկավար, ՀՀԿ փոխնախագահ Գալուստ Սահակյանից:

Վերջինս ասել է. «Մեր քարոզարշավը կշարունակվի: Ուղղակի գրաֆիկների մեջ փոփոխություն կլինի: Տենց առողջական լուրջ խնդիր չկա, մի քիչ մրսած է, բայց դա կապ չունի քարոզչության հետ: Գրաֆիկի փոփոխություն կլինի, ու կշարունակվի»: