ԵՎՐՈ-2020-ը՝ հետաձգման ճանապարհին է. պատճառը՝ կորոնավիրուսն է

Կորոնավիրուսի պատճառով հնարավոր է հետաձգվի նաև ԵՎՐՈ-2020-ը. այս մասին հայտարարել է  ՈւԵՖԱ-ի փոխնախագահ Միշել Ուվեն՝ հավելելով, որ այս պահին դեռևս սպասողական վիճակում են. հայտնում է Yerkir.am-ը՝ Reuters-ին հղումով:

Նա, մասնավորապես, նշել է. 

«Մենք հետևում ենք բոլոր երկրներում կորոնավիրուսի հետ կապված զարգացումներին: Մարզական ճանապարհը կփակվի, միայն եթե իրավիճակը վատթարանա»:

Yerkir.am-ն ավելի վաղ ներկայացրել էր նաև կորոնավիրուսի տարածվածությունն աշխարհում՝ թվերով, որտեղ նշված է՝ ժամը 09.13-ի դրությամբ ողջ աշխարհում հաստատվել է կորոնավիրուսով վարակման 81.002 դեպք, որից 2762-ը՝ մահվան, և 30.098-ը՝ առողջացման:

Հիշեցնենք՝ չինական Ուհան քաղաքում բռնկված ու ողջ աշխարհում տարածում գտնող անհայտ տիպի կորոնավիրուսով վարակվածների թիվն օր օրի աճում է։ Կորոնավիրուսի բռնկման մասին չինական իշխանությունները ԱՀԿ-ին տեղյակ էին պահել  դեռևս դեկտեմբերին: