Նեանդերթալցու համար մայր են փնտրում

Հարվարդի համալսարանի բժշկական դպրոցի պրոֆեսոր Ջորջ Չերչը կին է փնտրում, ով նեանդերթալցի կծնի: Նա համոզված է, որ կարող է կլոնավորել 33 հազար տարի առաջ անհետացած մարդկանց այդ տեսակը: Գիտնականի խոսքերով` նեանդերթալցու գենետիկական կոդը վերարտադրելու համար բավական շատ նյութ ունի:

Չերչի մտահղացմամբ` ցողունային բջջի մեջ կներարկվի վերարտադրված ԴՆԹ-ի նմուշը, իսկ ցողունային բջիջները կզետեղվեն մարդու` վաղ շրջանի զարգացման սաղմի մեջ: Գիտնականի կարծիքով` նեանդերթալցու ԴՆԹ-ն «կհաղթի» բանական  մարդու ԴՆԹ-ին: Մի քանի լաբորատոր օրերից հետո սաղմը կներմուծվի կնոջ օրգանիզմ, քանի որ ժամանակակից տեխնիկական միջոցները դեռեւս հնարավորություն չեն տալիս սաղմը մեծացնել լաբոատորիայում. տեղեկացնում է ТСН-ը:

Բրիտանական օրենսդրությունն արգելում է մարդու կլոնավորումը, սակայն Չերչը համոզված է, որ նեանդերթալցիների հարցում խնդիր չի լինի: