Ես սգավոր մայր չեմ, ես հերոսի մայր եմ. Դուշման Վարդանի մայրը

Պատերազմ երկար ժամանակ չի լինի, ադրբեջանցիները հո հիմա՞ր չեն. լրագրողների հետ հանդիպման ժամանակ հայտարարեց Արցախյան ազատամարտի մասնակից, Կանանց ՀԿ-ի հիմնադիր նախագահ, փոխգնդապետ Աիդա Սերոբյանը:

Ըստ նրա` ադրբեջանցին ինչ սրտով պետք է պատերազմի մեզ հետ, երբ այն ժամանակ, որ մենք նորմալ զենք ու զինամթերք չունեինք եւ հաղթեցինք, այժմ զինված ենք մինչեւ ատամները:

Դուշման Վարդանի մայրը` Զարուհի Շամյանն էլ, իր հերթին, նշեց, որ եթե պատերազմ լինի, միեւնույն է, հաղթելու ենք, քանի որ հայ զինվորը զավթողական մարտ չի մղում, այլ ազատագրական:

«Ի դեպ, կուզեմ շեշտել` ես սգավոր մայր չեմ, ես հերոսի մայր եմ: Իմ որդու շիրիմը նոր հերոսներ ծնելու հող է պատրաստում»,-ասաց տիկին Զարուհին: