Կարող ենք ներբեռնել ընտրողների ցուցակը

ՀՀ ոստիկանությունը տեղեկացնում է, որ ընտրողների ցուցակում տվյալները ճշտելու համար պետք է այցելել www.elections.am և www.police.am համացանցային կայքեր կամ տեղամասային կենտրոններ:

Ընտրողների ցուցակում անճշտություններ հայտնաբերելիս` դրանք վերացնելու համար, մինչև 2013 թ. փետրվարի 13-ը կարող եք դիմում ներկայացնել Հայաստանի Հանրապետության ոստիկանության անձնագրային և վիզաների վարչություն կամ Ձեր հաշվառման վայրի անձնագրային ծառայություն: Անձնագրային ծառայությունը դիմումը ստանալուց հետո` 5 օրվա ընթացքում, սակայն քվեարկության օրվանից ոչ ուշ, քան 4 օր առաջ, ՀՀ ընտրական օրենսգրքով սահմանված բավարար հիմքերի առկայության դեպքում ընտրողների ցուցակում կատարելու է անհրաժեշտ փոփոխություններ կամ ուղղումներ` այդ մասին գրավոր տեղեկացնելով Ձեզ:

Մի նորարարություն ևս` www.elections.am կայքում հրապարակված ընտրողների ցուցակը տեղադրվել է որոնման, իսկ www.police.am կայքում` ներբեռնելու հնարավորությամբ: