Հիստերիա

Ոչ մի տեղ ոչ մի բան սխալ չէ: Հապա նայի´ր, ու տե´ս, թե ինչքան ներդաշնակ է ամեն ինչ: Կամ' հավասար, կամ' համապատասխան, կամ' անթերի բանաձեւված, կամ' ճշգրիտ: Ճշգրիտ, այսինքն' անսխալ կրկին: Այսինքն' հենց ներդաշնակ:  Նողկալիորեն ներդաշնակ. ժամանակի գետն ու նրա վտակները, իսկ ափերին' մարդու բնազդների պատմությունը... 

Սխալնե՞ր... Դու այդ ինչի՞ հետ ես համեմատում, որ տեսնում ես որեւէ բանի սխալ լինելը: Կամ' ում հետ: Վերջին տասը հազար տարում (այդքանը կարո´ղ ես հիշել) դու ուրիշ բան տեսե՞լ ես, Եփրեմյան Ավագ: Ուշադիր նայիր, նայիր ավելի ուշադիր, այնքան, որքան հնարավոր է, որքան մարդը կարող է' անկողմնակալ...

Կատակ անելու տեղը չէ, եւ մեկ հարց կարող է հնչել ընդամենը. ի՞նչ է ուզում այս համատարած ներդաշնությունը:Մեկ հարցին' մեկ պատասխան. ներդաշնությունը մարդու գեղագիտական կարողությունների սահմանն է ուզում:

Այսինքն' Բարձրարվե´ստ Նողկանք