Աղքատության մեջ ապրած միլիոնատեր ամերիկացին

Մահացած միայնակ ամերիկացի թոշակառու Վալթեր Սամաշկոյի Նեւադա նահանգի Քարսոն Սիթիում գտնվող տան ավտոտնակում գանձ է հայտնաբերվել: Գանձը գտել է ամերիկացու տունը մաքրելու եկած խումբը:

Ոսկե մետաղադրամների ընդհանուր արժեքը մոտ 7,5 մլն դոլար է, որը նա պահել է փամփուշտների արկղերում: Գանձի հայտնաբերումն անսպասելի էր թե' Քարսոն Սիթիի բնակիչների, թե' գանձի ժառանգորդի` Սամաշկոյի հորեղբոր աղջկա համար:

Հարեւանները, ըստ NEWSru.com-ի, թոշակառու ամերիկացուն ճանաչում էին որպես համեստ, ոչ հարուստ մարդու, ով տեղի դպրոցում հաճախ փոխարինում էր հիվանդացած ուսուցիչներին եւ փակ ապրելակերպ վարում:

1960-ական թվականներից ի վեր Սամաշկոյի մայրն ամեն ամիս ամերիկյան, ավստրիական եւ մեքսիկական արտադրության ոսկե մետաղադրամներ է գնել: