Ծառուկյանը մնաց Ծառուկյան, իսկ ի՞նչ դարձան նախագահները

Էդիկ Անդրեասյանը «Հրապարակում» գրում է.

«Մեր առջև է մեր նորանկախ երկրի պատմությունը, և այդ պատմության սնանկությունն են փաստում գիտե՞ք ովքեր` Լևոն Տեր-Պետրոսյանը, Ռոբերտ Քոչարյանը և Սերժ Սարգսյանը: Նրանք իրենց պահվածքով ապացուցում են, որ իրենք կարող են նախագահ դառնալ, եթե Գագիկ Ծառուկյանը լինի իրենց կողքին, որ իրենք կարող են երևալ, եթե շրջապատված լինեն օլիգարխիայով, լինեն օլիգարխիայի ընտրյալը:

Ժողովուրդը մանրադրամ է միայն, որի սուրբ պարտականությունն է դարձել այս կամ այն փողատերերի ցուցումով, նայած ինչ է ասում փողատերը, թերթիկ գցել քվեատուփի մեջ Տեր-Պետրոսյանի կամ Ռոբերտ Քոչաևյանի և կամ Սերժ Սարգսյանի օգտին: Այն տպավորությունն է, որ նախկին ու ներկա նախագահները դարձել են իրենց իսկ խաղի զոհերը»: