Փոխարժեքներ
01 10 2024
|
||
---|---|---|
USD | ⚊ | $ 387.29 |
EUR | ⚊ | € 433.34 |
RUB | ⚊ | ₽ 4.17 |
GBP | ⚊ | £ 519.2 |
GEL | ⚊ | ₾ 141.99 |
«Հրաժարական տալով ես ապացուցեցի իմ նվիրվածությունը երկրի նախագահին»,- մեկնաբանելով իր հրաժարականի փաստը «Արմնյուզ»-ին ասել է Հայաստանի Ազգային ժողովի նախագահ Հովիկ Աբրահամյանը: Նա նշել է, որ օրենսդրությունը չէր խանգարում պահպանել Ազգային ժողովի պաշտոնը` միաժամանակ կատարելով ՀՀԿ շտաբի պետի գործառույթները: «Բայց ես նպատակահարմար եմ գտնում, որ անթերի աշխատանքները կազմակերպելու համար այդպես վարվենք: Ես չեմ ուզեցել, որ դա նաեւ դառնա քննարկման առարկա, որ Ազգային Ժողովի նախագահը, լինելով կուսակցության գործադիրի անդամ, նաեւ ղեկավարում է շտաբը: Այդ քայլով ես ապացուցեցի իմ նվիրվածությունը երկրի նախագահին, Հանրապետական կուսակցությանը: Ապացուցեցի, որ պաշտոնը չէ, որ ինձ պահում է կուսակցության անդամ: Ես ավելին եմ համարում լինել շտաբի պետ եւ հաջողություններ ունենալ, քան լինել Ազգային Ժողովի նախագահ: Օրինակ եմ ծառայել շատերի համար, որ չի կարելի կուսակցությանը նվիրվել զուտ միայն պաշտոն զբաղեցնելու համար»,- ասել է Աբրահամյանը: