Ինչպես է Մոսկվան Կիևին ապացուցելու, որ ռուսական անցակետերով զինված մարդիկ չեն անցնում

Ռուսաստանի նախագահ Վլադիմիր Պուտինն առաջարկել է սահմանի ռուսաստանյան կողմում ուկրաինացի սահմանապահների և ԵԱՀԿ դիտորդների տեղակայել այն անցակետերի մոտ, որոնք գրավել են աշխարհազորայինները: РИА Новости-ի հաղորդմամբ` Ռուսաստանի արտգործնախարար Սերգեյ Լավրովը հայտարարել է, որ Մոսկվան այս հարցով շուտափույթ խորհրդակցություններ սկսելու հույս ունի:

«Այս անցակետերը մի քանի օր առաջ զբաղեցրել են աշխարհազորայինները, և Ուկրաինայի նախագահն արդեն ոչ առաջին անգամ համառորեն հարց էր բարձրացնում, որ իրավիճակը պետք է վերահսկողության տակ առնել և ապահովել թափանցիկություն, որպեսզի բոլորը կարողանան համոզվել, որ այդ անցակետերով զինված մարդիկ չեն անցնում»,- ասել է Լավրովը: