Փոխարժեքներ 28 10 2025
USD	⚊	$ 382.7
EUR	⚊	€ 445.5
RUB	⚊	₽ 4.814
GBP	⚊	£ 510.64
GEL	⚊	₾ 140.8

Փոխարժեքներ 28 10 2025

USD

⚊

$ 382.7

EUR

⚊

€ 445.5

RUB

⚊

₽ 4.814

GBP

⚊

£ 510.64

GEL

⚊

₾ 140.8

0 դիտում,

13 տարի առաջ - 2011-10-31 12:56

Արցախ

Նշել են Տողի ազատագրման 20-րդ տարեդարձը

Երեկ Արցախի Հադրութի շրջանի Տող գյուղում նշել են գյուղի ազատագրման 20-րդ տարեդարձը, որին նվիրված հանդիսավոր միջոցառմանը ներկա են եղել ԼՂՀ նախագահ Բակո Սահակյանը, Հայ Առաքելական եկեղեցու Արցախի թեմի առաջնորդ Պարգեւ արքեպիսկոպոս Մարտիրոսյանը, վարչապետ Արա Հարությունյանը, պաշտոնատար այլ անձինք, հյուրեր Հայաստանի Հանրապետությունից եւ արտերկրից:

Ինչպես տեղեկացնում է նախագահի աշխատակազմի տեղեկատվության գլխավոր վարչությունը, իր խոսքում նախագահը նշել է, որ Տողի ազատագրումը Արցախյան ազատագրական պայքարի առաջին հաղթանակներից մեկն էր, որը կարեւոր էր ռազմական եւ պատմական տեսանկյունից: Երկրի ղեկավարն այդ հաղթանակը որակել է որպես հետագա հաղթանակների նախերգանք:

Բակո Սահակյանն այդ միջոցառմանը նաեւ պետական պարգեւներ է հանձնել ԼՂՀ սահմանները պաշտպանելիս արիություն ցուցաբերած մի խումբ անձանց:

Իսկ ԼՂՀ նախագահի երեկվա հրամանագրով` ԼՂՀ սահմանները պաշտպանելիս ցուցաբերած արիության համար եւ Հադրութի շրջանի Տող գյուղի ազատագրման 20-ամյակի կապակցությամբ «Մարտական ծառայություն» մեդալով պարգեւատրվել են ՀՀ հեռուստատեսության եւ ռադիոյի ազգային հանձնաժողովի նախագահ Գրիգոր Ամալյանը, Էրեբունու տարածքային զինվորական կոմիսարի տեղակալ, զորահավաքային բաժնի պետ, փոխգնդապետ Միխայիլ Մելիք-Ստեփանովը եւ Երեւանի «Զվարթնոց» օդանավակայանի թռիչքների անվտանգության եւ ավիացիոն անվտանգության որակի հսկման ղեկավար Անդրանիկ Սարիբեկյանը: