Կհարվածե՞ր ՕԵԿ-ը ԲՀԿ-ին

Լրագրողների հետ հանդիպման ժամանակ Քաղաքական եւ ընտրական տեխնոլոգիաների փորձագետ Արմեն Բադալյանը նշել է, որ ՀՀԿ-ԲՀԿ պայքարի կամ մրցակցության մասին շրջանառված եւ շրջանառվող լուրերը տարածողները կարող են լինել ինչպես ՀՀԿ-ն եւ ԲՀԿ-ն, այնպես էլ` ՕԵԿ-ը:

«Երկիր»-ի այն հարցին, թե սպասելի՞ է նման հարված կոալիցիոն գործընկեր ՕԵԿ-ի կողմից, ԱԺ ԲՀԿ խմբակցության պատգամավոր Նաիրա Զոհրաբյանը պատասխանել առհասարակ չցանկացավ եւ նշեց, որ «լուրջ չի համարում այդ կարգի մամուլային վարկածներ մեկնաբանելը»:

Նա նշեց, որ «ՀՀԿ-ի եւ ԲՀԿ-ի շուրջ բարձրացած աղմուկից հետո ԲՀԿ-ն որեւէ բան չմեկնաբանեց, եւ այսուհետ նույնպես շարունակելու է իր այդ վարքագիծը»: «Թե ով ինչ է տարածել եւ տարածելու, ինչ նպատակներով, այդ հարցն ուղղեք ենթադրյալ տարածողներին»,- խորհուրդ տվեց պատգամավորը: