Պուտինը ստորագրել է օրենք Հնդկաստան զորքեր և ռազմական տեխնիկա ուղարկելու կարգի մասին

ՌԴ նախագահ Վլադիմիր Պուտինը ստորագրել է Ռուսաստանի և Հնդկաստանի միջև միջկառավարական համաձայնագիրը վավերացնելու մասին օրենք՝ միմյանց տարածք զինվորական անձնակազմ, ինչպես նաև ռազմանավեր և ինքնաթիռներ ուղարկելու կարգի մասին։

Համաձայնագիրը կարգավորում է ոչ միայն զորքերի և սարքավորումների ուղարկումը, այլև դրանց լոգիստիկան։ Սահմանված կարգը կկիրառվի համատեղ վարժանքների, մարզումների, մարդասիրական օգնության, բնական և տեխնածին աղետներից հետո աղետների հետևանքների վերացման աշխատանքների ժամանակ, ինչպես նաև այլ դեպքերում՝ համաձայնագրով։

Փաստաթղթի վավերացումը պարզեցնում է երկու երկրների օդային տարածքի և նավահանգիստներում ռուսական և հնդկական ռազմանավերի կողմից փոխադարձ օգտագործումը, հաղորդում է ТАСС-ը։ Բացի դրանից, համաձայնագիրն ամրապնդում է երկու երկրի միջև ռազմական համագործակցությունը։