Apple-ի բաժնետոմսերի գինը ռեկորդ է սահմանել

Apple-ի արժեքը iPhone 4S-ի վաճառքի հենց առաջին օրը հասել է ռեկորդային չափերի` 391,23 միլիարդ դոլար. հաղորդում է Reuters-ը:

Apple-ի մեկ բաժնետոմսի գինն աճել է մինչեւ ռեկորդային` 422 դոլար: Սա տեղի է ունեցել դեռեւս անցյալ ուրբաթ, երբ աշխարհի յոթ երկրներում վաճառքի է հանվել նոր iPhone 4S սմարտֆոնը. փաստել են NASDAQ-ի ներկայացուցիչները:

Սա Apple-ի կողմից սահմանված երկրորդ ռեկորդն է, որը տեղի է ունենում ընկերության նոր գլխավոր տնօրեն Թիմ Քուքի  ղեկավարության օրոք: Նախորդը տեղի էր ունեցել սեպտեմբերի 20-ին, երբ ընկերության մեկ բաժնետոմսի արժեքը սահմանվեց 413,45 դոլար: Իսկ հոկտեմբերի սկզբին բաժնետոմսի գինը 360-380 դոլար էր: