կարևոր
2785 դիտում, 7 ամիս առաջ - 2023-07-21 18:53
Աշխարհ

Էստոնիայում պարենամթերքի գների աճը նոր ռեկորդ է սահմանել

Էստոնիայում պարենամթերքի գների աճը նոր ռեկորդ է սահմանել

Էստոնիայում պարենային զամբյուղը 2023 թ, հունիսին 22,3%-ով թանկ է եղել նախորդ տարվա նույն ժամանակահատվածից։ Այս մասին գրում է  Postimees-ը՝ հղում անելով Էստոնիայի կոնյունկտուրայի ինստիտուտին (EKI):

EKI-ի տվյալներով, խոսքը վերաբերում է 1992-ից ի վեր ամենաթանկ հունիսյան պարենային զամբյուղին։ Այսպես, հունիսին պարենային զամբյուղի արժեքը (նկատի է առնվում շաբաթվա պահանջարկը) կազմել է €117,28, ինչը գերազանցում է 2022-ի հունիսի ցուցանիշը՝ €21,35։ Թանկացել են սպառողական զամբյուղի գրեթե բոլոր ապրանքները, միայն կարտոֆիլի գինն է մի փոքր նվազել։ Հատկապես զգալիորեն թանկացել են շաքարը, ձուկը, ալյուրից պատրաստված մթերքները, բանջարեղենը և խնձորը։

Հրապարակման մեջ նշվում է, որ եթե նկատի առնվի երկրում միջին աշխատավարձը՝  €1400, ապա ամսվա ընթացքում ուտելիքի վրա ծախսվում է դրա մեկ երրորդը։ Եթե մարդը ստանում է սահմանված նվազագույն աշխատավարձ՝ €670, ապա նա ուտելիքի վրա կծախսի իր բոլոր փողերը։

Ըստ EKI-ի տվյալների, Էստոնիայում ստեղծված իրավիճակը բացասաբար է անդրադառնում տեղի բնակիչների բարեկեցության վրա։ Բացի այդ, վստահության զգացումն էստոնացիների մոտ հասել է ամենացածր նիշի, իսկ ընտանիքների տնտեսական դրության կանխատեսումները վատատեսական են։