Նորմալ է համարում համագործակցությունը ժողովրդի պահանջի հետ կապելը

ՀԱԿ-«Ժառանգություն» հավանական համագործակցության վերաբերյալ կանխատեսումներ ՕԵԿ փոխնախագահ Մհեր Շահգելդյանը «Երկիր»-ի հետ զրույցում դժվարացավ անել:

Շահգելդյանը բնական ու նորմալ է համարում համագործակցությունը ժողովրդի պահանջի հետ կապելու` «Ժառանգության» դիրքորոշումը: Եվ եթե այդ համագործակցությունը կայանա, ապա Մհեր Շահգելդյանն, ի տարբերություն հանրապետական Գալուստ Սահակյանի, ո'չ կտխրի, ո'չ էլ կուրախանա:

«Ուրախանալու կամ չուրախանալու խնդիր չկա: Դա ընդամենը երկու քաղաքական ուժերի խնդիրն է, որոնք կարող են ցանկացած որոշում եւ դիրքորոշում հայտնել: Կարծում եմ` դա կլինի ռացիոնալ քաղաքականության շրջանակներում իրականացվող մոտեցում»,- նշեց ՕԵԿ փոխնախագահը: