կարևոր
3484 դիտում, 1 տարի առաջ - 2023-01-11 17:50
Քաղաքական

Շինծու, հորինած քրգործ է, առնվազն  աբսուրդ է ինձ այդ գործին կապելը․ Գերասիմ Վարդանյան

Քանի որ այս ամենը քաղաքական բեմադրություն է, քաղաքական հրահանգ, ես չեմ հետաքրքրվել, թե ինչու են մտնում խուզարկության, արդեն մոտավորապես ենթադրում եմ՝ ինչի համար կարող էին գային խուզարկեին: Այս մասին ոստիկանությունից դուրս գալուց հետո ասաց ՀՅԴ անդամ Գերասիմ Վարդանյանը:

«Երեկ վճռաբեկ դատարանը մերժել է գլխվոր դատախազի տեղակալի բողոքը ինձ նորից կալանքի տակ առնելու հետ կապված: Երևի չեն հասել իրենց նպատակին, փորձում են այլ միջոցներ գտնել նորից ինձ կալանքի տանելու: Երբ տեսնում են, որ շատ թույլ են միջոցները անազատության մեջ պահելու, փորձում են արդեն թիրախավորել, շոուներ կազմակերպել, լուսադեմին ներխուժել մարդկանց տներ, ընտանիքի անդամներին, հարազատներին, երեխաներին անհանգստացնել: Այս ամենը շոու է»,- ասաց նա:

Վարդանյանը նշեց, որ ավելի ուշ տեղեկացել է, որ ոչ միայն իր տուն են եկել խուզարկության , այլ նաեւ իր հարազատների տներ են մտել, ՀՅԴ անդամների տներ են մտել խուզարկել. «Շատերին  բերման են ենթարկել, մի քանիսին արդեն ձերբակալել են: Տեսնենք՝ ինչ է տեղի ունենում: Շինծու, հորինած քրեական գործ է, նույնիսկ այդ գործի շրջանակներում այդ ժամանակաշրջանում ես եղել եմ բանտում, կալանավորված, իմ տեսակցությունները փակ են եղել: Առնվազն  աբսուրդ է ինձ այդ գործին կապելը: Իրենք փորձում են ինձ, իմ ընկերներին, հարազատներին անընդհատ լարվածության մեջ պահել, շանտաժի ենթարկել՝ փորձելով իրենց նպատակներին հասնել, բայց ես ասել եմ ու ասում եմ՝ մեր պայքարը սրանից կանգ չի առնելու: Մենք երեկ բանտում էինք, այսօր ազատության մեջ ենք, վաղը հնարավոր է լինենք բանտում, գնալու ենք մինչև վերջ, Նիկոլ Փաշինյանը պետք է հեռանա և հեռացնելու ենք նրան ամեն գնով»: