Անժելա Սարգսյանի տղամարդու մայրը ցնցող բացահայտումներ է խոստանում

«Չենք լռելու» երիտասարդական նախաձեռնությունը սկսում է տեսազրույցների նոր շարք` «Ճշմարտության մերկապար» ընդհանուր խորագրով: Շարքը փոքր-ինչ կտարբերվի «Չենք լռելու»-ի մնացած նախագծերից և կփորձի գտնել արդեն հայտնի պատմությունների քողարկված կողմերը: Տեսաշարքի շրջանակներում ժամանակ առ ժամանակ անդրադարձ կկատարվի նաև հայկական շոու-բիզնեսում տիրող բարքերին և կարվեն ցնցող բացահայտումներ:

«Ճշմարտության մերկապար»-ի առաջին հյուրն է դերասանուհի Անժելա Սարգսյանի սկանդալային նկարների գործով կալանավորված Կարեն Արայանի մայրը` Մարինա Արայանը: Նա կխոսի կալանավորված որդու փոխարեն և սենսացիոն բացահայտումներ կանի` կապված, ըստ նրա, Անժելա Սարգսյանի կողմից Կարենի դեմ ոստիկանությունում ներկայացված սուտ մեղադրանքների, նկարների` համացանցում հայտնվելու իրական պատմության և դրանցում պատկերված անձանց, Անժելայի և Կարենի միջև եղած հարաբերությունների, դերասանուհու` «Կյանքի խոսք» աղանդին անդամակցելու և բազմաթիվ այլ հարցերի վերաբերյալ:

Մարինա Արայանը կմեկնաբանի նաև Անժելա Սարգսյանի կողմից «Կռվախնձոր» հաղորդաշարում հնչեցված` իրենց ընտանիքի համբավն արատավորող հայտարարությունները: