Անհրաժեշտ է նոր որակ հաղորդել համագործակցությանը

Այսօր Արցախի նախագահ Բակո Սահակյանն ընդունել է Ամերիկայի հայկական համագումարի տարածաշրջանային տնօրեն Արմինա Դարբինյանին, որի հետ քննարկել է Արցախում կառույցի աշխատանքներին վերաբերող մի շարք հարցեր:

ԼՂՀ նախագահի աշխատակազմի տեղեկատվության գլխավոր վարչությունից տեղեկացնում են, որ Բ. Սահակյանը նշել է, որ Ամերիկայի հայկական համագումարը մեծ դերակատարություն է ունեցել Արցախի սոցիալ-տնտեսական զարգացման, միջազգային ասպարեզում Ղարաբաղյան հիմնախնդրի ճշմարտացի ներկայացման եւ Արցախ-Սփյուռք կապերի ամրապնդման գործում: Նախագահն ընդգծել է, որ արդի պայմաններում անհրաժեշտ է նոր որակ հաղորդել կառույցի հետ համագործակցությանը՝ այն համարելով կարեւոր ե'ւ քաղաքական, ե'ւ տնտեսական առումներով: