Սահակաշվիլու պապն ու հայրը հայ, իսկ ինքը` վրացի

Վերջին շրջանում վրացական մամուլը չի դադարում հանդես գալ հրապարակումներով, որոնք վերաբերում են Վրաստանի նախագահ Միխեիլ Սահակաշվիլու էթնիկ ծագմանը:

Այս անգամ վրացական «Ասավալ-դասավալի» պարբերականն անդրադարձել է Վրաստանի նախագահի տոհմածառին:

Մանրակրկիտ ներկայացնելով Սահակաշվիլու` «Իմեդի» հեռուստաընկերությանը տված հարցազրույցի այն հատվածը, որում Վրաստանի նախագահը հերքել է իր հայ լինելու մասին խոսակցությունները, պարբերականը նշել է.

«Ինչպե՞ս մենք հավատանք Սահակաշվիլիի այն խոսքերին, եթե նրա պապը` Թբիլիսի բժշկական համալսարանի նախկին ռեկտոր Միխայիլ Սահակովը, ում Թբիլիսիում գովաբանում են եւ ջերմությամբ են հիշում, երբեք չի թաքցրել իր հայ լինելու փաստը: Իսկ ազգանունը Սահակովը փոխել է այն ժամանակ, երբ վերջինս նշանակել են բժշկական համալսարանի ռեկտոր»: