Թուրքիան պատրաստ է Իսրայելի դեմ պատերազմի

Թուրքիան պատրաստ է Իսրայելի դեմ պատերազմի. ամերիկյան CBS News Nightwatch հեռուստաալիքին տված հարցազրույցում հայտարարել է Թուրքիայի վարչապետ Ռեջեփ Թայիփ Էրդողանը:

Նա Իսրայելի գործողությունները միջազգային ջրերում նավարկող «Ազատության նավատորմիղի» դեմ կոչել է «ուխտադրուժ հարձակում» եւ նշել, որ 9 մարդու սպանությունը բավարար պատճառ է «Արեւմուտքի երես տված զավակ»-ի դեմ ռազմական գործողություններ սկսելու համար: «Մենք ռազմական դիմակայություն կսկսենք Իսրայելի դեմ, եթե դա անհրաժեշտ լինի Թուրքիայի շահերի ապահովման համար»,- ասել է Էրդողանը:

Նա դարձյալ պահանջել է որ Իսրայելը ներողություն խնդրի եւ փոխհատուցում հատկացնի զոհվածների ընտանիքներին, նաեւ անմիջապես դադարեցնի Գազայի հատվածի շրջափակումը: