կարևոր
1627 դիտում, 2 շաբաթ առաջ - 2024-02-12 09:48
Աշխարհ

Սիրիան մի քանի պատերազմներ է մղել Իսրայելի դեմ և պատրաստ է նորերին․ ԱԳ նախարար

Սիրիան մի քանի պատերազմներ է մղել Իսրայելի դեմ և պատրաստ է նորերին․ ԱԳ նախարար

Սիրիան մի քանի պատերազմներ է մղել Իսրայելի դեմ և պատրաստ է նորերին, հայտարարել է Սիրիայի արտգործնախարար Ֆեյսալ Միկդադը Դամասկոսում Իրանի արտգործնախարար Հոսեյն Ամիր Աբդոլլահիանի հետ մամուլի ասուլիսի ժամանակ, փոխանցում է РИА Новости-ին։

«Սիրիան մի քանի պատերազմներ է մղել սիոնիստական միավորման (Իսրայելի - խմբ.) դեմ և պատրաստ է այլ պատերազմների: Սիրիան կորոշի, թե երբ և որտեղ», - ասել է Միկդադը:

Սիրիայի ԱԳՆ ղեկավարը հավելել է, որ Իսրայելի, ԱՄՆ-ի և Թուրքիայի կողմից երկրի տարածքի մի մասի օկուպացիան անօրինական է, ընդգծելով, որ Սիրիան «պատրաստ է ազատագրել իր հողերը»։

Աբդոլլահիանն երեկ ժամանել է Դամասկոս՝ բանակցելու սիրիացի մի շարք պաշտոնյաների հետ։ Սիրիայի նախագահ Բաշար ալ-Ասադը Իրանի արտգործնախարարի հետ հանդիպմանը հայտարարել է, որ ԱՄՆ-ի գործողությունները, որոնք շարունակում են զենք մատակարարել Իսրայելին, սպառնում են ընդլայնել հակամարտության մասշտաբները Մերձավոր Արևելքում։