Wikileaks-ից պետք է տխուր հետեւություններ անենք

ԱԺ ՀՅԴ խմբակցության քարտուղար Արտաշես Շահբազյանը, այսօր խորհրդարանական ճեպազրույցների ընթացքում անդրադառնալով «Վիկիլիքսի» հրապարակումներին, ասաց, որ դրանք չեն կարող կողմնորոշող լինել, բայց կարելի է դրանց հիման վրա լուրջ հետեւություններ անել:

«Ինձ զարմացնում է այն, որ «Վիկիլիքսին» փաստարկում են ուժեր, որոնց մասին, մեղմ ասած, այդ կայքը շատ էլ հաճելի բացահայտումներ չի արել: Իսկապես կարելի է տխուր հետեւություններ անել, թե ինչպես Հայաստանում մեծ-մեծ գաղափարներից խոսող քաղաքական անձեր եւ ուժեր տարիներ շարունակ վազել են տարբեր դեսպանատներ` թույլտվություններ ստանալու` ինչ ասեն, ինչ չասեն, ինչ անեն, նույնիսկ նրանց խորհուրդներ են տվել, թե ինչպես վարվեն մեր երկրի հետ»,- ասաց Արտաշես Շահբազյանը: