WikiLeaks-ի հերթական բացահայտումը

Վրաստանի նախագահ Միխեիլ Սաակաշվիլիiն մտահոգում են հայ-ռուսական հարաբերությունները. ասվում է Վրաստանում ԱՄՆ դեսպան Ջոն Բասի` 2010 թվականի փետրվարի 17-ին պետդեպարտամենտ ուղարկված` «04 TBILISI 000203» ծածկագրով փաստաթղթում. որը գաղտնազերծել է WikiLeaks-ը:

Հաղորդագրության մեջ նշվում է, որ Վրաստանը լրջորեն անհանգստացած է Հայաստան ռուսական զենքի ու զինտեխնիկայի մատակարարման ծավալի աճից: Ըստ դեսպանի` թեեւ Վրաստանը թույլատրել է  իր օդային տարածքով Հայաստան տեղափոխել մեծաքանակ զինամթերք, սակայն լուրջ կասկածներ ունի, որ դրանք ոչ թե Հայաստանի, այլ Ռուսաստանի համար են:

Դեսպանը հավելում է, որ այդ բեռնափոխադրումները ոչ միայն կխոչընդոտեն ԼՂ հակամարտության կարգավորմանը, այլեւ կարող են հարավից Վրաստանին ճնշելու եւ Ռուսաստանի հետ հետագա հակամարտության գործիք դառնալ: