Երկխոսությունն ավելի շատ ցուցադրական է, քան էական

ՀԱԿ-իշխանություն երկխոսությունն ավելի շատ ցուցադրական է, քան էական. դրա ընթացքում չեն քննարկվում ժողովրդին հուզող հարցերը. այսօր լրագրղների հետ հանդիպման ժամանակ ասաց ԱԺ «Ժառանգություն» խմբակցության պատգամավոր Լարիսա Ալավերդյանը:

«Երկխոսության ընթացքում ընդհանրապես չեն խոսում նույնիսկ Ղարաբաղյան հարցի մասին: Սակայն կարծում եմ, որ ցանկացած երկխոսություն միշտ էլ դրական միտում ունի»,- իր կարծիքը հայտնեց նաեւ ՀՀԿ անդամ Համլետ Հարությունյանը:

Ինչ վերաբերում է այսօր երկխոսության հերթական ռաունդի չկայանալուն` ՀԱԿ-ի պատվիրակության չներկայանալու պատճառով նա ասաց. «Երկխոսության դադարեցման այս միջոցն իրեն չի արդարացնում: Եթե կարիք կար դադարեցնելու, ապա կարելի էր ավելի լուրջ պատճառ բերել»:

Լարիսա Ալավերդյանը նույնպես է դեմ է նման պահվածքին և համարում է որ դա արվում է հասարակության ուշադրությունն իրենց վրա պահելու համար: