Փոխարժեքներ
30 01 2025
|
||
---|---|---|
USD | ⚊ | $ 398.27 |
EUR | ⚊ | € 414.32 |
RUB | ⚊ | ₽ 4.0524 |
GBP | ⚊ | £ 494.49 |
GEL | ⚊ | ₾ 138.29 |
ԱԺ ՀՅԴ խմբակցության պատգամավոր Արծվիկ Մինասյանը ՀԱԿ-ի եւ իշխանության հայտարարությունների միջեւ առնվազն երկու անհեթեթություն է տեսնում: Նրա համար անընդունելի է երկխոսությունն «աննախադեպ» որակելը. «Ո՞վ ասաց: Աննախադեպ կարող է լինել այն դեպքում, երբ այն կոնկրետ երկու ուժերի համար վերածվի բանակցությունների` գործարքի մակարդակով: Բայց երկխոսությունն ինքնին աննախադեպ չի եղել: Հայ քաղաքական կյանքում միշտ էլ տարբեր ձեւաչափերով երկխոսություն եղել է»:
Արծվիկ Մինասյանը նաեւ նշեց, որ սա երկու կողմից էլ ընդամենը փորձ է` ցույց տալու, թե իբր քաղաքական դաշտում իրենք են թելադրողները: «Ես համոզված եմ, որ այս երկխոսությունը ոչ մի տեղ էլ չի գնալու: Հանկարծ տպավորություն էլ թող չլինի, որ մենք նախանձում ենք, խանդում ենք, այդպիսի բան չկա, ի սեր Աստծո: Երկուսին էլ ճանաչում ենք, քաղաքական դիմագծերն էլ գիտենք, իրենց տեսակետներն էլ գիտենք, որոնք մեծ հաշվով եւ շատ մեծ հարցերում համընկնում են»,- ասաց դաշնակցական պատգամավորը: