Նվիրված ԼՂՀ հռչակման 20-ամյակին

Արցախի Հանրապետության հռչակման 20-ամյակին նվիրված գլխավոր միջոցառումներին արդեն շատ քիչ ժամանակ է մնացել։

Երեկ նախագահ Բակո Սահակյանի մոտ տեղի է ունեցել աշխատանքային խորհրդակցություն` նշված միջոցառումների կազմակերպմանն առնչվող խնդիրների շուրջ: Ինչպես հայտնում են նախագահի աշխատակազմի տեղեկատվության գլխավոր վարչությունից, կատարված աշխատանքների մասին զեկույցներով հանդես են եկել տոնակատարության կազմակերպման պետական հանձնաժողովի անդամները եւ համապատասխան մարմինների ղեկավարները:

Նախագահ Սահակյանն ընդգծել է, որ տոնակատարությունները պետք է անցնեն նախատեսված ծրագրերին համապատասխան, բարձր մակարդակով, բոլոր շահագրգիռ մարմինների սերտ համագործակցությամբ:

Խորհրդակցությանը մասնակցել են Ազգային ժողովի նախագահ Աշոտ Ղուլյանը, վարչապետ Արա Հարությունյանը, պաշտոնատար այլ անձինք: