Վնասը գնահատվել է 1984 թ. գներով

Բնությանը հասցված վնասը շատ դժվար է հաշվարկել:

«Հաշվարկ անելիս տարբեր գործոններ պետք է հաշվի առնվեն, եւ նույնիսկ լավագույն հաշվարկի դեպքում միայն տարիներ անց կարելի է հասկանալ իրական վնասը»,- գրում է www.antarner.net կայքը:

«Գլուխգործոցը» Թեղուտի ծրագրի վնասի հաշվարկն է եղել, որը կատարվել է 1984 թվականի գներով ու մեթոդաբանությամբ: Բազմաթիվ մասնագետներ նշում են, որ այս հաշվարկը սխալ է, եւ ծրագրի վնասն ավելի շատ է լինելու, քան օգուտը:

2007թ.-ից մինչ օրս բնապահպանները պնդում են, որ վնասի անկախ գնահատում է հարկավոր, նույնիսկ կան միջազգային մասնագետներ որոնք պատրաստ են այդ գործն անել, մնում է Հայաստանի կառավարության հրավերը, թեեւ դրա  հավանականությունը շատ փոքր է:

«Բա որ հանկարծ պարզվի, որ Թեղուտի ծրագրի վնասը, իրոք, հսկայական է…»,- եզրահանգում է կայքը եւ հավելում, որ այս ամենի ֆոնին հետաքրքիր է մեր հայ պաշտոնյաների մոտեցումը. «Բավական հաճախ «բնավիրման» նախարարությունը տեղեկատվություն է տալիս ապօրինի ծառահատումներից բնությանը հասցված վնասի մասին (մեկն էլ չկա հարցնի, այդ ո՞նց եք հաշվել)»: