Ամերիկյան փորձը կկիրառվի Հայաստանում

Ամերիկյան բժշկական գիտական կենտրոնը արդեն 18 տարի գործում է Կալիֆոռնիայի Լոս Անջելես քաղաքում` ԱՄՆ կառավարության աջակցությամբ:

«Կենտրոնի առաքելությունն է Հայաստանում ախտորոշիչ սարքավորումներով աշխատող մասնագետներ պատրաստել»,- ասաց Ամերիկյան բժշկական գիտական կենտրոնի ղեկավար Վարդան Կարագյոզյանը՝ հավելելով, որ իրենք այստեղ են գտնվում ոչ պաշտոնական հրավերով, թեև հանդիպումներ են ունեցել Հայաստանի առողջապահության ոլորտի մի շարք պաշտոնյաների ու մասնագետների հետ:

«Հայաստանի առողջապահական համակարգն ունի լուրջ փոփոխությունների կարիք, քանի որ բժշկական համալսարանը տալիս է այնպիսի մասնագետներ, որոնք չեն կարող աշխատել բժշկական սարքավորումներով. մեր նպատակն այդ մասնագետներին վերապատրաստելն է»,- ասաց նա: