Ողջունելի է օրենքը, սակայն կկիրառվի՞

Վրաստանում Քաղաքացիական օրենսգրքում կրոնական կառույցների գրանցման վերաբերյալ փոփոխությունները դրական են գնահատվում:

Այսօր լրագրողների հետ հանդիպման ժամանակ ՀՅԴ Հայ դատի եւ քաղաքական հարցերի գրասենյակի պատասխանտու Կիրո Մանոյանը նշեց, որ օրենսդրական այդ փոփոխությունը մեր կաթողիկոսին` Վրաստանի նախագահի տված խոստման կատարումն էր:

Այս քայլն արվեց ոչ միայն հոգեւորականների, այլեւ ընդդիմադիր քաղաքական ուժերին դեմ գնալով: Բանախոսը նշեց, որ որոշակիորեն զարմանալի էր հենց ընդդիմադիրների դիրքորոշումը այս հարցում, քանի որ նրանք իրենց դեմոկրատներ են համարում:

Ընդհանուր առմամբ, այս քայլը ողջունելի է, սակայն դեռեւս հարց է, թե որքանով կիրառելի կլինի այդ օրենքը: