ԱՄՆ-ը գիտեր, որ Սիրիայում քիմիական զենք կկիրառվի. Նարիշկին

ՌԴ Պետդումայի նախագահ Սերգեյ Նարիշկինը չի բացառում, որ ԱՄՆ նախօրոք գիտեր, որ Սիրիայում պատրաստվում են քիմիական զենք կիրառել. հայտնում է РИА Новости-ն:

«Հիշո՞ւմ եք՝ մի քանի շաբաթ առաջ ԱՄՆ-ում հայտարարություն հնչեց, համաձայն որի՝ վերջին կետը, որը կարող է ստիպել  ԱՄՆ-ին Սիրիայի դեմ ռազմական գործողություն սկսել այդ երկրում քիմիական զենքի կիրառումը կլինի: Կարծում եմ, որ այդ ժամանակ ԱՄՆ-ը հստակ գիտեր, որ քիմիական զենքը Սիրիայում կկիրառվի»,- ասել է Նարիշկինը՝ բացելով Պետդումայի աշնանային նստաշրջանը:

«ԱՄՆ-ի նման դիրքորոշումը խոսում է նաև այն մասին, որ միջազգային իրավունքի հիմնարար նորմերին հետևելը բացարձակ առաջնահերթություն չէ ԱՄՆ-ի համար»,- նշել է նա: