Չարդախլուն` 10 նշանավոր բնակավայրերի ցանկում

Ռուսական հեղինակավոր «Օգոնյոկ» հանդեսը հրատարակել է աշխարհի այն 10 նշանավոր բնակավայրերի ցանկը, որոնք առանձնանում են որոշակի մասնագիտությամբ, հմտությամբ եւ գիտելիքների պաշարով աչքի ընկած անհատների «խիտ կուտակումներով»: Լավագույն տասնյակում է նաեւ Ղարաբաղի Չարդախլու գյուղը:

Հանդեսի տեղեկացմամբ գյուղը յուրահատուկ է նրանով, որ այն միանգամից երկու մարշալների` Համազասպ Բաբաջանյանի և Հովհաննես Բաղրամյանի ծննդավայրն է: Բացի այդ` Չարդախլուն տվել է 12 գեներալ եւ Խորհրդային Միության 7 հերոս: Հայրենական մեծ պատերազմին մասնակցած 1250 գյուղացիներից 250-ը բարձր պաշտոններ են զբաղեցրել խորհրդային զինված ուժերում:

«Օգոնյոկը»-ը նաեւ չի մոռացել նշել, որ ներկայումս Չարդախլուն գտնվում է Ադրբեջանի տարածքում եւ հայաթափվել է 1988 թ.` հայ-ադրբեջանական հակամարտության ժամանակ: