ԺԱՄԱՆԱԿ. Ո՞ւմ հաշվին է նախընտրական քեֆ անում սոցապ նախարարը

Օրերս սոցապնախարար  Արթուր Գրիգորյանը, ով ներկայացնում է «Բարգավաճ Հայաստան» կուսակցությունը, ճոխ խնջույք է կազմակերպել մանկատների տնօրենների մասնակցությամբ: Թե ո՞րն է եղել խնջույք բուն նպատակը, դժվար է ասել, բայց, դատելով հայաստանյան ավանդույթներից, նման հավաքույթները ունենում են նախընտրական նպատակներ:

Նման հավաքույթներ կազմակերպվում էին, օրինակ` Գագիկ Բեգլարյանի քաղաքապետության ընթացքում` երեւանյան մանկապարտեզների եւ դպրոցների տնօրենների մասնակցությամբ: Դրանց նպատակը սովորաբար լինում է առնվազն տրամադրություններ պարզելը, նաեւ որոշակի  մթնոլորտ ձեւավորելը, երբ տնօրենները սկսում են հասկանալ, թե ասենք` առաջիկա ընտրական շրջաններում իրենցից ինչպիսի գործողություններ են պահանջվում:

Եվ այս ամենը կատարվում է այն պայմաններում, երբ Հայաստանի մանկատներից շատերը գտնվում են նյութական եւ ֆինանսական կարիքի մեջ, երբ մանկատան սաներն ունեն թե՛ նյութական, թե՛ բարոյական խնամքի անհրաժեշտություն: