Սոցապ նախարարը սոցիալական ''բունտ'' կանխատեսո՞ւմ է

Կառավարության նիստի ավարտից հետո լրագրողների հետ զրույցում աշխատանքի եւ սոցիալական հարցերի նախարար Արտեմ Ասատրյանը, անդրադառնալով գազի թանկացմանը, կրկնեց վարչապետ Տիգրան Սարգսյանի խոսքերը, թե սոցիալապես անապահով ընտանիքներին աջակցություն է ցուցաբերվելու` մոտ 100 հազար ընտանիքի:

Yerkir.am-ի դիտարկմանը, որ, կախված գազի թանկացումից, այլ թանկացումներ էլ են սպասվում, արդեն իսկ թանկացել է կաթնամթերքը, նախարարը պատասխանեց. «Այսօր մենք չենք կարող ասել: Երբ որ կլինի հանրային ծառայությունները կարգավորող հանձնաժողովի որոշումը, կանդրադառնանք»:

Հարցին, թե թանկացումների այս փուլում, սոցիալական բունտ կանխատեսո՞ւմ է, նախարարը պատասխանեց. «Ես չեմ կարծում, որ կառավարությունը չի աջակցի սոցիալապես անապահով ընտանիքներին եւ կլուծի նրանց խնդիրները»: