Հաշմանդամ օդաչուները պահանջում են իրենց թոշակները

Այսօր նախագահական նստավայրի դիմաց հաշմանդամ օդաչուները ցույց էին կազմակերպել:Արդեն մի քանի տարի է` նրանք չեն ստանում օրենքով իրենց հատկացված թոշակները:

«Հայկական ավիաուղիներ» ընկերությունը 2004-ի ապրիլի 12-ին իրեն սնանկ հայտարարեց, որի արդյունքում բազմաթիվ օդաչուներ և ինժեներատեխնիկական անձնակազմը մնացին գործազուրկ: Իրավահաջորդի բացակայության պայմաններում նրանք մնացին առանց վարձատրության:

Թոշակառուները պարբերաբար ցույցեր են կազմակերպում, սակայն դեռ ոչ մի արդյունքի չեն հասել:

Նշենք, որ օդաչուները աշխատանքի ընթացքում ձեռք են բերել մասնագիտական հիվանդություններ` գլխացավ, վատ լսողություն, սիրտ-անոթային հիվանդություններ:  Ի դեպ, նրանցից շատերը մասնակցել են Արցախյան հերոսամարտին: 

Անուշ ԱՄԻՐԲԵԿՅԱՆ

Հ.Գ. Տարբեր պատճառներով հաշմանդամ դարձած 147 օդաչուներից ներկայումս ողջ են միայն 90-ը: