Նախկին նախարարը մեղադրվում է բռնաբարության մեջ

Ֆրանսիայի կառավարության պետական ծառայության հարցերով նախկին  պետքարտուղար Ժորժ Թրոնին ներկայացվել է երկու կանանց բռնաբարելու մեղադրանք: Նրան սպառնում է 20 տարվա ազատազրկում. տեղեկացնում է BBC-ն:

Քաղաքական գործչի մասնակցությամբ սկանդալը տեղի է ունեցել մայիսի վերջին, երբ Դրավեյի քաղաքապետարանի երկու աշխատակցուհիներ Թրոնին, որը Դրավեյի քաղաքապետն էր, մեղադրել են սեռական ոտնձգություների մեջ:

Կանայք որոշել են ոստիկանություն դիմել, երբ լսել են Արժույթի միջազգային հիմնադրամի նախկին ղեկավար Դոմինիկ Սթրոս-Կանի` նույն մեղադրանքով ձերբակալության մասին: Այդ դեպքը նրանց հույս է ներշնչել, որ իրենք էլ կարող են արդարություն պահանջել:

Սկանդալից հետո Թրոնը ստիպված էր հրաժարական տալ: Նա հերքում է իրեն ներկայացված մեղադրանքները: